ბაფის მისია: 

• ბიზნესის განვითარების მხარდაჭერა ბიზნესგარემოს გაუმჯობესების ხელშეწყობის გზით;

• საქართველოს საწარმოებში ბუღალტრული აღრიცხვისა და აუდიტის საერთაშორისო სტანდარტების დანერგვისათვის ხელსაყრელი გარემოს შექმნა;

• ბუღალტრული აღრიცხვისა და აუდიტის საერთაშორისო სტანდარტების ჰარმონიზაციისა და განვითარების გლობალურ პროცესებში მონაწილეობა;

• ბაფ-ის წევრების მაღალკვალიფიციური დონის მიღწევა, საზოგადოებისათვის ხარისხიანი მომსახურების უზრუნველყოფის მიზნით;

• ბაფ-ის წევრთა პროფესიული ინტერესების დაცვა.

ბაფის მიზნები:

• ბუღალტრული აღრიცხვისა და აუდიტის საერთაშორისო სტანდარტების პრაქტიკაში სრულად დამკვიდრება მსხვილი საწარმოებისათვის;

• ბუღალტრული აღრიცხვის გამარტივებული სტანდარტების დანერგვა მცირე და საშუალო ბიზნესში, არასამთავრობო სექტორში;

• აღრიცხვისა და აუდიტის მარეგულირებელი საკანონმდებლო ბაზის ლობირება;

• აუდიტის ხარისხის კონტროლისა და, ზოგადად, აუდიტორული საქმიანობის ინსტიტუტის სრულყოფა საერთაშორისო პრაქტიკის გათვალისწინებით;

• ბუღალტრებისა და აუდიტორების მომზადება, გადამზადება და მიღებული ცოდნის მუდმივი განახლება;

• მეთოდური და პრაქტიკული სახელმძღვანელო ლიტერატურის შექმნა;

• ეკონომიკური პროფილის უმაღლეს სასწავლებლებში თანამედროვე სწავლების სისტემის განვითარების ხელშეწყობა;

• საერთაშორისო პროფესიული ინტეგრაციის პროცესებში მონაწილეობა.

თავისი  მისიისა და შესაბამისი მიზნების განხორციელებისას, ბაფი უპირატესობას ანიჭებს:
 თეორიულ ასპექტში   _ რაციონალურ აზროვნებას, ცოდნასა და გამოცდილებას;
 ეკონომიკურ ასპექტში _  სარგებლიანობას, როგორც კერძო ბიზნესისათვის, ისე ორგანიზციის წევრებისა და თვით ორგანიზაციის ზრდისათვის;
 პოლიტიკურ ასპექტში _ საყოველთაო აღიარებას, როგორც ქვეყნის შიგნით ისე მის გარეთ;
 ეთიკურ ასპექტში     _ მოქმედებას ეთიკური თვალსაზრისით დასაშვები ნორმის ფარგლებში.