საერთაშორისო ფორუმში მონაწილეობა
საერთაშორისო ფორუმში მონაწილეობა
2023 წლის 6-8 ივნის ქ. ბათუმი მასპინძლობდა „PULSAR“-ის პროგრამის ფარგლებში ჩატარებულ სემინარს. „PULSAR" არის ევროპისა და ცენტრალური აზიის 13 ბენეფიციარი ქვეყნის პროგრამა. მისი მიზანია ხელი შეუწყოს საჯარო სექტორის ბუღალტრული აღრიცხვის (PSA) და ფინანსური ანგარიშგების ჩარჩოების გაძლიერებას საერთაშორისო სტანდარტებისა და კარგი პრაქტიკის შესაბამისად, მთავრობის ანგარიშვალდებულების, გამჭვირვალობისა და მუშაობის გასაუმჯობესებლად.
პროგრამის მიზნები და ფარგლები ერთობლივად განისაზღვრება PULSAR-ის პარტნიორების - ავსტრია, შვეიცარია და მსოფლიო ბანკის მიერ - რომლებიც ასევე უზრუნველყოფენ ინსტიტუციურ მხარდაჭერას მისი განხორციელებისთვის და მობილიზებენ მისი საქმიანობისთვის საჭირო რესურსებს. ბენეფიციარი ქვეყნები ეხმარებიან PULSAR-ის პროგრამის ჩამოყალიბებას რეგიონული თანამშრომლობის პლატფორმების და პრაქტიკის ორი საზოგადოებისთვის (CoP): ფინანსური ანგარიშგების (FinCoP) და განათლების პრაქტიკის თემების (EduCoP) მეშვეობით.
ამონარიდი ღონისძიების პრესრელიზიდან.
„ბოლო რამდენიმე წლის განმავლობაში ინვესტორები, კომპანიები, სამთავრობო მარეგულირებლები, საერთაშორისო ორგანიზაციები სულ უფრო ხშირად ითხოვენ მდგრადობის ანგარიშგების სტანდარტიზაციას კორპორაციებისა და სახელმწიფო საწარმოების მიერ, გრძელვადიან პერსპექტივაში, მთავრობების მიერ. ისინი ასევე ხედავენ გადაუდებელ აუცილებლობას ამ დღის წესრიგში ამჟამად ჩართული ორგანიზაციებისა და ინიციატივების ფართო სპექტრის კონსოლიდაციისთვის.
უფრო მეტიც, მდგრადი ფინანსები და მდგრადობის ანგარიშგება ურთიერთდაკავშირებულია და ერთმანეთს აძლიერებს. მათ ერთად შეუძლიათ შექმნან მდგრადი ინვესტიციების სათნო ციკლი, რაც გამოიწვევს გადასვლას უფრო მდგრად და სამართლიან გლობალურ ეკონომიკაზე. საბოლოო ჯამში, კავშირი კაპიტალის ბაზრებსა და მდგრადობის კრიტერიუმებს შორის ფუნდამენტურია ჩვენი საერთო კლიმატისა და მდგრადობის მიზნების მისაღწევად და უფრო მდგრადი გლობალური ეკონომიკის შესაქმნელად“.
სემინარის თემებზე პრეზენტაციით წარდგნენ მსოფლიო ბანკის, ბუღალტერთა საერთაშორისო ფედერაციის (IFAC), პროგრამის ბენეფიციარი ქვეყნების, მათ შორის, საქართველოს ფინანსთა სამინისტროს სხვადასხვა სტრუქტურის წარმომადგენლები.
სემინარში მონაწილეობდნენ ბაფის წარმომადგენლები: რუსუდან ჟორჟოლიანი, ლევან საბაური, ნოდარ ებანოიძე,ლავრენტი ჭუმბურიძე.
IFAC-ის რეგიონალური მენეჯერისა და ბაფის წარმომადგენლების
საქმიანი შეხვედრა
8 ივნისს გაიმართა ბუღალტერთა საერთაშორისო ფედერაციის რეგიონალური მენეჯერის, ტანია მუსუმჰის საქმიანი შეხვედრა ბაფის წარმომადგენლებთან. შეხვედრის ძირითადი თემა იყო ბუღალტერთა საერთაშორისო ფედერაციის წევრობის ვალდებულების პრინციპების (SMO) შესრულების შესახებ, ბაფის 2023-2024 წლების სამოქმედო გეგმის დეტალების დაზუსტება და თანამშრომლობის. როგორც წესი, SMO სამოქმედო გეგმების რეგულარული განახლება მოითხოვება IFAC-ის წევრების შესაბამისობის პროგრამის ფარგლებში.
შეხვედრა, რომელიც 2 საათზე მეტხანს გაგრძელდა წინასწარ იყო დაგეგმილი და მასში ბაფის მხრიდან მონაწილეობდნენ: რუსუდან ჟორჟოლიანი (გამგეობის თავმჯდომარე), ნოდარ ებანოიძე (გამგეობის თავმჯდომარის მოადგილე), ლევან საბაური (პროფესიით დაინტერესებულ მხარეებთან ურთიერთობის კომიტეტის თავმჯდომარე), თამარ ნიქაბაძე (წევრებთან ურთიერთობის მენეჯერი), ლავრენტი ჭუმბურიძე (აღმასრულებელი დირექტორი).
შეხვედრაზე, SMO სამოქმედო გეგმით გათვალისწინებული საჯარო სექტორის ბუღალტრული აღრიცხვის საერთაშორისო სტანდარტების (IPSAS) ქვეყანაში დანერგვის მიმდინარეობის თემაზე სასაუბროდ, ბაფის მხრიდან, მიწვეული იყვნენ: ფინანსთა სამინისტროს სახაზინო სამსახურის ანგარიშგებისა და მეთოდოლოგიის დეპარტამენტის უფროსი, ბატონი ზურაბ თოლორდავა და დეპარტამენტის უფროსის მოადგილე, ქალბატონი ლელა პატარაია.
შეხვედრაში ასევე, მონაწილეობდა საქართველოს აუდიტორთა, ბუღალტერთა და ფინანსურ მენეჯერთა პროფესიული ფედერაციის (საბფმფ) აღმასრულებელი დირექტორი, ბატონი იური პაპასქუა, რომელმაც ისაუბრა ორგანიზაციაში მიმდინარე საქმიანობისა და მომავალი გეგმების შესახებ.
